In GEA protegia ils uffants dal tubac!
Nus essan da la medema opiniun: ils uffants na duain betg fimar. Ma la maioritad da las fimadras e dals fimaders cumenza cun quai gia sco minorennas e minorens. Perquai ch’ils concerns da tubac fan massivamain reclama per lur products tar uffants e giuvenils – ed als animeschan uschia da fimar. Quai cumprovan divers studis.
Nus vulain promover il svilup saun da noss uffants ed als proteger da la reclama per tubac. Sustegnai nossa iniziativa e votai GEA ils 13 da favrer 2022.
- Pervia da la reclama per tubac fiman dapli uffants e giuvenil
Studis cumprovan cler e net: sch’ils uffants e giuvenils vegnan en contact cun reclama per tubac, cumenzan els pli savens a fimar. Pli che la mesadad da las fimadras e dals fimaders entschaiva a consumar tubac sco minorennas e minorens. - Exponer uffants e giuvenils a reclama per products da tubac è fauss
Per in product talmain nuschaivel sco il tubac na dastg’ins betg far reclama tar uffants e giuvenils. Nus avain sco societad l’obligaziun da proteger ils uffants e giuvenils e da promover lur svilup saun. - Protecziun consequenta da la giuventetgna
A persunas minorennas na dastgan vegnir vendids nagins products da tubac. Per consequenza na dastga la reclama per tubac era betg cuntanscher ils uffants e giuvenils.